Ejo kuwa Gatanu tariki 02 ishyirahamwe ry'umupira w'amaguru mu Rwanda (FERWAFA) ryashyize ahagaragara ibiciro by'amafaranga abantu bazareba imikino ya nyuma y'Igikombe cy'Amahoro 2025 bazinjiriraho.
Iyi mikino irakinwa mu byiciro byombi mu Bagabo ndetse no mu Bagore, hakaza kubanza izihatanira umwanya wa Gatatu kuri uyu wa Gatandatu tariki ya 3 Gicurasi, Saa Cyenda Police FC irakina na Mukura Victory Sports mu bagabo naho mu bagore Police WFC irakina na Kamonyi WFC saa Kumi n'ebyiri z'umugoroba. Hakaba hari bubanze abagore ariko kuko Police WFC ari Abadiventiste b'Umunsi wa Karindwi basabye ko bahindurirwa amasaha, iyi mikino ikaba iribubere kuri Kigali Pele Stadium.
Ejo ku Cyumweru tariki ya 4 Werurwe 2025 hakazakinwa umukino wa nyuma ku makipe yatsindiye guhatanira igikombe cy'Amahoro 2025 ariyo APR FC na Rayon Sports. Ukazakinirwa kuri Stade Amahoro i Remera guhera saa Sita n'igice Rayon Sports WFC ihura na Indahangarwa WFC ni mu bagore naho APR FC igahura na Rayon Sports mu bagabo saa Kumi n'Igice, Itoroshi.rw tukaba dukangurira abakunzi b'umupira w'amaguru kutazacikwa.