Kuri uyu wa gatatu, kuwa 15 Mutarama 2025 saa mbili z’ijoro i Nairobi, habereye tombola y’amatsinda irushanwa rya CHAN 2024 rizakinirwamo.
CHAN 2024 izakinirwa muri Kenya, Tanzania, na Uganda muri Kanama 2025. Iri rushanwa riteganyijwe guhuza amakipe 19 y’ibihugu, ariko kugeza ubu hazwi 17 gusa mu gihe ibindi bibiri bitaratangazwa.
Tanzania na Uganda byamaze gutegura ibibuga ndetse n’ibindi bikenerwa byose ngo iri rushanwa ribe. Kenya iracyari gutunganya ibibuga ndetse n’ibindi bikorwa remezo bikenewe ikaba ari nayo mpamvu iri rushanwa ryasubitswe rikimurirwa muri Kanama 2025.
CHAN izahuzwa n’amakipe y’abakinnyi bakina imbere mu gihugu, ikaba ari uburyo bwo guteza imbere impano z’abakina ruhago mu bihugu byabo.
Dore uko tombola yagenze:
Itsinda A: Kenya, Morocco, Angola, DR Congo na Zambia.
Itsinda B: Tanzania, Madagascar, Mauritania, Burnika Faso na Central Africa
Itsinda C: Uganda, Niger, Guinea n’amakipe 2 ataramenyekana.
Itsinda D: Senegal, Congo, Sudan na Nigeria.
