Kuri uyu wa Mbere, tariki ya 27 Mutarama 2025, Impuzashyirahamwe ya Ruhago muri Afurika (CAF) yashyize ahagaragara uko amatsinda y’Igikombe cya Afurika azaba ateye, muri tombola yabereye i Rabat muri Maroc.
Iyi tombola yagizwemo uruhare n’abakinnyi b’Abanyafurika bakanyujijeho, ari bo Mustapha Hadji, Serge Aurier, Aliou Cissé na Joseph Yobo.
Amakipe 24 yari agabanyije mu dukangara tune, yagabanyijwemo amatsinda atandatu, agizwe n’ibihugu bine. Umukino ufungura iri rushanwa uzaba tariki ya 21 Ukuboza 2025, uhuze Maroc yakiriye ndetse na Comoros.
- Itsinda A: Morocco, Mali, Zambia na Comoros.
- Itsinda B: Egypt, South Africa, Angola na Zimbabwe.
- Itsinda C: Nigeria, Tunisia, Uganda na Tanzania.
- Itsinda D: Senegal, DR Congo, Benin na Botswana.
- Itsinda E: Algeria, Burkina Faso, Equatorial Guinea na Sudan.
- Itsinda F: Cote d’Ivoire, Cameroun, Gabon na Mozambique.
Muri aya makipe azakina iri rushanwa 12 mu yigeze kuryegukana. Egypt yagitwaye incuro 7 (1957, 1959, 1986, 1998, 2006, 2008, 2010), Cameroon igitwara incuro 5 (1984, 1988, 2000, 2002, 2017), Nigeria igitwara incuro 3 (1980, 1994, 2013), Côte d’Ivoire (Ivory Coast) igitwara incuro 2 (1992, 2015), Algeria igitwara incuro 2 (1990, 2019), DR Congo igitwara incuro 2 (ikitwa Zaire: 1968, 1974), Senegal igitwara incuro 1 (2021), Tunisia igitwara incuro 1 (2004), Morocco igitwara incuro 1 (1976), South Africa igitwara incuro 1 (1996), Zambia igitwara incuro 1 (2012), Sudan igitwara incuro 1 (1970).