Kuri iki cyumweru, tariki 23 Gashyantare 2025 kuri BK Arena hatangijwe isiganwa ry'amagare ribaye ku nshuro ya 17 ni isiganwa Tour du Rwanda ryitabiriwe n'abakinnyi 69 bari mu makipe 14 aturuka ku migabane itandukanye harimo Africa ni abakinnyi 39, Europe ni 26, Aziya na Oseyaniya ni 3 naho muri America ni umukinnyi 1. Iri siganwa rizamara igihe kingana n'iminsi 8 rizenguruka ibice bitandukanye mu gihugu hose.
Mbere y’uko hatangizwa agace ka mbere habanza gukinwa agace kitwa Prologue mu rwego rwo kubona umukinnyi utangirana umwenda w'umuhondo. Aka gace kagirwa n'intera ya kilometero 4,1 kagakinwa buri mukinnyi akina wenyine bashaka uwakoresheje ibihe bito aho baba bafite intebe yitwa “Hot seat”. Uhagurutse hagati ye n'umukurikiye hashyirwamo intera y'umunota umwe Aka gace cyatangirizwaga kuri BK Arena kagasorezwa kuri stade Amahoro.
Muri uyu mwaka, ritandukanye n’andi masiganwa yabanje kuko rifite umwihariko ko ribanjirije shampiyona y'isi y'amagare izakinirwa mu Rwanda muri Nzeri uyu mwaka.
Ni ku nshuro ya karindwi iri siganwa rikinwe riri kuri 2.1. Uko imyaka yagiye ishira n’abagiye begukana Tour du Rwanda muri 2019 ryegukanwe n'umukinnyi wo muri Erithrea Merhawi Kudus, 2020 ni Natnael Tesfatsion wongeye kuryegukana muri 2022, muri 2021 Cristian Rodriguez avuka mu gihugu cya Espagne naho 2023 ni Henok Mulubrhan, 2024 ryegukanwe na Joe Blackmore wo mu gihugu cy'ubwongereza.
Ni isiganwa ryatangijwe ku mugaragaro na Nyakubahwa Perezida wa Repubulika Paul Kagame afatanije n’uhagarariye isiganwa ry'amagare ku rwego rw'Isi (UCl) David Lappartient.
Umukinnyi waje kwegukana Prologue ni Aldo Taillieu ukinira Lotto Development Team afite imyaka 19 akaba avuka mu gihugu cy'Ububiligi mu mwaka ushize yatwaye amasiganwa arindwi akinirwa mu Bubiligi agenze Km 3.4 akoresheje iminota 3'48". Akaba ariwe utangiranye umwenda w'umuhondo.
Abakinnyi 20 ba mbere
| # | Umukinnyi | Igihe | + |
| 1 | TAILLIEU Aldo | 3.48"91 | |
| 2 | DOUBEY Fabien | 3.51"12 | 0.02"21 |
| 3 | MENTEN Milan | 3.51"21 | 0.02"30 |
| 4 | DELBOVE Joris | 3.52"37 | 0.03"46 |
| 5 | MATTHEIS Oliver | 3.54"68 | 0.05"77 |
| 6 | ŠUMPÍK Pavel | 3.55"11 | 0.06"20 |
| 7 | CUYLITS Mauro | 3.56"58 | 0.07"67 |
| 8 | VADIC Baptiste | 3.56"81 | 0.07"90 |
| 9 | PERICAS Adrià | 3.57"01 | 0.08"10 |
| 10 | GILMORE Brady | 3.57"51 | 0.08"60 |
| 11 | COLEMAN Samuel | 3.58"90 | 0.09"99 |
| 12 | MANZIN Lorrenzo | 3.59"64 | 0.10"73 |
| 13 | DIKE Joshua Ethan | 4.00"16 | 0.11"25 |
| 14 | KRETSCHY Moritz | 4.00"33 | 0.11"42 |
| 15 | MARIVOET Duarte | 4.00"66 | 0.11"75 |
| 16 | MULUBRHAN Henok | 4.01"11 | 0.12"20 |
| 17 | EINHORN Itamar | 4.01"35 | 0.12"44 |
| 18 | DONIE Milan | 4.01"65 | 0.12"74 |
| 19 | JASIM AL-ALI Abdulla | 4.01"93 | 0.13"02 |
| 20 | RETAILLEAU Valentin | 4.02"59 | 0.13"68 |
Iri siganwa rizaba rireshya na 804Km, rikorwe mu minsi 8. Rizerekeza mu bice bitandukanye bigize u Rwanda mu buryo bukurikira:
- Agace ka Mbere ari nako karekare, kazakinwa kuri uyu wa mbere, tariki 24 Gashyantare 2025, gatangirire Rukomo gasorezwe i Kayonza (157.8Km).
- Agace ka Kabiri, kazakinwa kuwa Kabiri, tariki 25 Gashyantare 2025, gatangirire Kigali gasorezwe i Musanze (112.8Km)
- Agace cya Gatatu, kazakinwa kuwa Gatatu, tariki 26 Gashyantare 2025, gatangirire i Musanze gasorezwe i Rubavu (121.3Km)
- Agace ka Kane, kazakinwa kuwa Kane, tariki 27 Gashyantare 2025, gatangirire i Rubavu gasorezwe i Karongi (95.1Km)
- Agace ka Gatanu, kazakinwa kuwa Gatanu, tariki 28 Gashyantare 2025, gatangirire i Rusizi gasorezwe i Huye (144Km)
- Agace ka Gatandatu, kazakinwa kuwa Gatandatu, tariki 1 Werurwe 2025, gatangirire i Nyanza gasorezwe kuri Kigali (Canal Olympia) (131.5Km)
- Agace ka Nyuma, kazakinwa ku Cyumweru, tariki 2 Werurwe 2025, gatangirire kuri Kigali Convention Center gasorezwe kuri Kigali Convention Center (74Km).
Amafoto: Tour du Rwanda